Մոտոցիկլետի վարորդը կորցրել է կառավարումը և շրջվել. փրկարարները տուժածին մոտեցրել են շտապօգնության ավտոմեքենային
Մայիսի 17-ին, ժամը 16:16-ին «911» ծառայությանն ահազանգ է ստացվել, որ Վայք-Սարավան ավտոճանապարհի 16-րդ կմ-ին տեղի է ունեցել ՃՏՊ՝ մոտոցիկլետի վարորդը կորցրել է կառավարումը և շրջվել. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները տուժածին մոտեցրել են շտապօգնության ավտոմեքենային: Վարորդը հոսպիտալացվել է Վայքի ԲԿ, որտեղ բժիշկները տուժածի առողջական վիճակը գնահատել են միջին ծանրության:
Կտրվի լրացուցիչ տեղեկություն:
