Աչաջուր գյուղում «Volkswagen passat» մակնիշի ավտոմեքենան հրդեհից ամբողջությամբ այրվել է
Մայիսի 12-ին` ժամը 00:28-ին, «911» ծառայությանն ահազանգ է ստացվել, որ Տավուշի մարզի Աչաջուր գյուղում այրվում է ավտոմեքենա:
Արտակարգ իրավիճակների նախարարությունից հայտնում են, որ դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 00:54-ին, մարվել՝ 00:59-ին:
Ռ.Ա.-ին պատկանող «Volkswagen passat» մակնիշի ավտոմեքենան ամբողջությամբ այրվել է: Տուժածներ չկան:
