Կառավարությունն արտոնություն կտա «Նյուպլաստ» ընկերությանը
ՀՀ կառավարությունը վաղվա նիստում «Նյուպլաստ» ՓԲ ընկերությանը կազատի մաքսատուրքից՝ գերակա ոլորտում իրականացվող ներդրումային ծրագրի շրջանակներում տեխնոլոգիական սարքավորումների, դրանց բաղկացուցիչ ու համալրող մասերի, հումքի և նյութերի ներմուծման համար:
Ըստ որոշման նախագծի՝ ընկերության կողմից ներմուծվող ապրանքներն օգտագործվելու են կաթիլային ոռոգման համակարգերի արտադրության մեջ։ Ներմուծվող ապրանքները չեն ներմուծվում ԵԱՏՄ անդամ-երկրներից, քանի որ չեն բավարարում ընկերության տեխնիկական պահանջներին։
«Նյուպլաստը» Չինաստանից, Թուրքիայից, Իսրայելից, Կիպրոսից, Իրանից, Վրաստանից, Իտալիայից, Իսպանիայից, Կորեայից, Կանադայից, Սաուդիան Արաբիայից և Թայվանից ներմուծում է ընդհանուր 4 մլրդ 209.6 մլն դրամի ապրանք:
