ԱՄՆ-ն երկարաձգել է Սիրիայի դեմ պատժամիջոցները
Միացյալ Նահանգների նախագահ Դոնալդ Թրամփը տեղեկացրել է ԱՄՆ Կոնգրեսին Սիրիայի նկատմամբ արտակարգ դրությունը երկարաձգելու, ինչպես նաև այդ երկրի նկատմամբ պատժամիջոցները ևս մեկ տարով երկարացնելու մասին: Այս մասին ասվում է Սպիտակ տան հաղորդագրության մեջ:
Սիրիայի նկատմամբ արտակարգ դրություն էր մտցվել 2004 թվականի մայիսին: Հաջորդող տարիների ընթացքում կարգադրությունը փոխվել էր և լրացվել:
Կոնգրեսին ուղղված հայտարարության մեջ նշվել է, որ Սիրիայում իրականացվող գործողությունները «ոչ միայն սպառնալիք են սիրիացի ժողովրդի համար, այլև անկայունություն են ստեղծում ողջ տարածաշրջանում»: Միաժամանակ Թրամփը հայտարարել է, որ դրանք «ծայրահեղ սպառնալիք են ԱՄՆ ազգային անվտանգությանը, արտաքին քաղաքականությանն ու տնտեսությանը»:
