Կենդանակերպի 5 զույգեր, ովքեր առավել ամուր էմոցիոնալ կապով են միմյանց հետ կապված
Կշեռք
Կենդանակերպի բոլոր նշաններից Կարիճների համար է ամենաբարդը բացվել իրենց շրջապատող մարդկանց առջև։ Նրանք միշտ փակ ու զգուշավոր կլինեն, մեկուսի և առաջին հայացքից՝ ոչ զգացմունքային։
Կշեռքները միակն են, որ կարող են Կարիճներին ստիպել իրենց հարմարավետ զգալ ու բացվել բոլորի առջև։ Կենդանակերպի այս նշանի ներկայացուցիչներն անհավանականորեն ընկերասեր մարդիկ են, ովքեր իրենց ներկայությամբ ստիպում են շրջապատի մարդկանց իրենց հանգիստ ու պաշտպանված զգալ։
Նրանք գիտեն, թե ինչ կոճակներ պետք է սեղմել ու ինչպես իրենց պահել, որ ուրիշներն իրենց ափսեի մեջ զգան իրենց նրանց կողքին։ Հենց այդ պատճառով Կարիճն ու Կշեռքը լավ զույգ կկազմեն։ Բացի դրանից, Կարիճները միշտ կարող են Կշեռքների կյանքը թեթևացնել իրենց իրատեսական տեսանկյունով, որն այնքան անհրաժեշտ է վերջիններիս։
Ձկներ
Ձկները երազողներ են, զգացմունքային հոգի ունեն։ Խեցգետինները, իրենց հերթին, սովոր են բոլորին օգնել ու բոլորի մասին հոգ տանել։ Եվ Ձկները, և Խեցգետիններն ինքնին շատ զգացմունքային են, և թվում է, թե միայն Կենդանակերպի այս երկու նշաններն ի վիճակի կլինեն միմյանց հասկանալ։ Նրանցից ոչ մեկի մոտ զգացողություն չի առաջանում, որ իրենց զուգընկերն իր սիրով ու հոգատարությամբ ջանք չի թափում մյուսին պարուրել, քանի որ երկուսն էլ դրա կարիքը խիստ ունեն։ Այս զույգի մոտ շատ ամուր էմոցիոնալ կապ կլինի։ Նրանք միակը կլինեն, որ իսկապես կկարողանան խորապես միմյանց զգալ ու հասկանալ։
Աղեղնավոր
Աղեղնավորները հոգսերից զերծ մարդիկ են։ Նրանց դուր է գալիս ճանապարհորդել աշխարհով մեկ և իրենց համար նոր հորիզոններ բացահայտել։ Խոյերի համար դա հիանալի նորություն կլինի, քանի որ իրենք էլ են նույնպիսին։ Կենդանակերպի այս նշանի ներկայացուցիչները տանել չեն կարողանում առօրյա միօրինակ, ձանձրալի կենսակերպն ու կանխատեսելիությունը։ Նրանք անընդհատ փորձում են ճանաչել անիմանալին ու կրեատիվություն դրսևորել, քանի որ գիտեն, որ միայն դա նրանց թույլ կտա զարգանալ։ Աղեղնավորին ու Խոյին միավորում են համատեղ արկածները, որոնք իրենց հերթին՝ կօգնեն ամրապնդել նրանց կապը։
Երկվորյակներ
Ջրհոսներն ու Երկվորյակները կարող են գիշեր-ցերեկ շփվել միմյանց հետ ու չհոգնել իրարից։ Երկվորյակներն ինքնին շատ հետաքրքրասեր են, ինչը նրանց լավ զրուցակիցներ է դարձնում։ Ջրհոսներն էլ իրենց հերթին՝ բավականին խելացի են և միշտ կարող են ձեզ հետ կիսվել հետաքրքիր ու արժեքավոր ինչ-որ բանով։ Շփումը երբեք Կենդանակերպի այս երկու նշանների համար խնդիր չի լինի ու իսկապես կմտերմացնի նրանց։
Կույս
Կենդանակերպի այս երկու նշանների ներկայացուցիչներն իսկապես իրար կհասկանան։ Եվ Կույսերը, և Ցուլերը չափազանց համառ են։ Նրանք սովորել են որոշակի կենսակերպի ու տանել չեն կարողանում անկանխատեսելիությունն ու փոփոխությունները։ Ամեն սովորական ու ծանոթ բանի նկատմամբ նրանց համատեղ սերը նրանց գերազանց զույգ է դարձնում։ Նրանց համար հեշտ կլինի միմյանց ճանաչել, քանի որ նրանց հարաբերություններում պրակտիկորեն կոնֆլիկտներ չեն լինի։ Դա բարենպաստ մթնոլորտ կստեղծի ու սոսկ կուժեղացնի միմյանց հանդեպ իրենց սերը։
Նյութը հրապարակման պատրաստեց 168.am-ը
