Արթուր Դավթյանն այսօր գնալու է Ազգային ժողով. «Ժողովուրդ»
«Ժողովուրդ» թերթը գրում է. «Այսօր Ազգային ժողովի պետաիրավական հարցերի մշտական հանձնաժողովի նիստում կքննարկվի ՀՀ գլխավոր դատախազության 2018 թվականի գործունեության հաշվետվությունը, եւ այն ներկայացնելու է անձամբ գլխավոր դատախազ Արթուր Դավթյանը։
Հետո այն կընդգրկվի ԱԺ լիագումար նիստերի օրակարգ, որտեղ եւս Դավթյանը կներկայացնի: Թերթի տեղեկություններով` պատգամավորներից շատերը սպասում են Գլխավոր դատախազի այցին, եւ այսօրվա հանդիպմանը նպատակադրվել են մասնակցել նաեւ այնպիսի պատգամավորներ, որոնք չեն հանդիսանում այդ հանձնաժողովի անդամ, սակայն ցանկանում են ներկա գտնվել եւ փորձելու են իրենց հուզող հարցերը տալ հատկապես վերջին իրավական իրադարձությունների ֆոնին»:
Ամբողջությամբ կարող եք կարդալ թերթի այսօրվա համարում:
