Ուժասպառ բրիտանուհին ծնկների վրա հասել է մարաթոնի վերջնագծին և մեկ օր անց գնացել աշխատանքի

Բրիտանուհի Հեյլի Քարրատերսը ծնկների վրա հասել է Լոնդոնյան մարաթոնի վերջնագծին, սակայն հաջորդ օրը գնացել է աշխատանքի: Տեսագրությունը հրապարակված է The Telegraph հրատարակության Twitter-օգտահաշվում։

42-կիլոմետրանոց մրցատարածության վերջին մետրերին Քարրատերսը ծնկի է իջել եւ չի կարողացել կանգնել: Մինչեւ վերջնագիծ մարզուհին ստիպված է եղել սողալ, ինչի հետեւանքով վնասել է ծնկները: Twitter-ում նա հրապարակել է վիրակապված ոտքերի լուսանկարը՝ «Այժմ ես գիտեմ, թե ինչպես չպետք է վազել մարաթոնները» ստորագրությամբ:

Չնայած դրան, հաջորդ օրը Քարրատերսը վերադարձել է Բիրմինհամի հիվանդանոց, որտեղ ռենտգենոլոգ է աշխատում: Աղջիկը կարողացել էմարաթոնի մրցատարածությունը հաղթահարել 2 ժամ, 34 րոպե եւ 3 վայրկյանում: Նա վազքով է զբաղվում 2016 թվականից:

NHS radiographer Hayley Carruthers stumbles into nation's hearts as one of London marathon elite | @horton_official https://t.co/MiFoHB3zdo pic.twitter.com/S0EaNd4kQ2

— The Telegraph (@Telegraph) April 29, 2019