Թուրքիայում կին թաղապետ է ընտրվել՝ հաղթելով կես դար այդ պաշտոնը զբաղեցնող նախկին թաղապետին
Թուրքիայում մարտի 31-ին կայացած ՏԻՄ ընտրությունների արդյունքում ուշագրավ է, որ հարավ-արևելյան քրդաբնակ Բաթման նահանգում առաջին անգամ ընտրվել է կին թաղապետ:
Այս մասին տեղեկացնում ermenihaber.am-ը:
Հատկանշական է, որ նահանգի տարբեր վարչական շրջաններում թաղապետ ընտրվելու համար հայտ էին ներկայացրել բազմաթիվ կին թեկնածուներ, սակայն նրանցից միայն մեկն է անցել:
Սաղլըք թաղամասում Ֆաթմա Թյուրքյանը 100 ձայնով առաջ է անցել իր մրցակցից` նախկին թաղապետից, որը վերջին 50 տարում այդ պաշտոնում է եղել:
«Իմ կարծիքով շատ ավելի լավ է, որ թաղապետը կին լինի: Մենք` կանայքս, թաղապետի հետ ավելի շատ էինք շփվում»,- ասել է նորընտիր կին թաղապետը:
