ԵՄ-ն կասկածներ չունի ժողովրդավարական բարեփոխումները շարունակելու ՀՀ կառավարության վճռականության հարցում. Փաշինյան
ՀՀ վարչապետ Նիկոլ Փաշինյանը Բրյուսել կատարած այցից եզրահանգել է` Եվրամիությունը Հայաստանում մարդու իրավունքների, ժողովրդավարության իրավիճակի վերաբերյալ խնդիր չի տեսնում, ինչն աննախադեպ իրավիճակ է:
«Բրյուսել կատարած այցի վերաբերյալ կարող եմ ասել հետևյալը. կարծում եմ, որ ունենք աննախադեպ իրավիճակ ՀՀ-ԵՄ հարաբերություններում, երբ Հայաստանում ժողովրդավարության, մարդու իրավունքների իրավիճակի վերաբերյալ Եվրամիությունը ընդհանրապես չունի հարցեր Հայաստանին: Չկա որևէ կասկած Հայաստանի կառավարության վճռականության նկատմամբ` ժողովրդավարական փոփոխությունները մինչ վերջ տանելու հարցում»,- ասաց Փաշինյանը:
Նա նշեց` ԵՄ բարձր ներկայացուցիչները լիարժեք պատրաստ են աջակցել այդ փոփոխություններին, այդ թվում ֆինանսապես:
