Աշխատանքի և սոցիալական հարցերի նախարարությունը պատրաստվում է փոխել հաշմանդամության գնահատման համակարգը
Հայաստանի Հանրապետության աշխատանքի և սոցիալական հարցերի նախարարության առաջնահերթ խնդիրներից մեկը հաշմանդամության գնահատման համակարգի նոր մոդելի ներդրումն է: Այս մասին ԱԺ-ում պատգամավորների հետ հարցուպատասխանի ընթացքում ասաց ՀՀ աշխատանքի և սոցիալական հարցերի նախարար Զարուհի Բաթոյանը:
«Մոդելը մշակված է ու այս տարի արդեն ձեռնարկում ենք քայլեր, որպեսզի ունենանք նաև օրենսդրական հիմքեր ու այն ներդնենք: Նոր մոդելը ենթադրելու է մարդու կարիքի վրա հիմնված նոր ծառայությունների մատուցում, և ոչ միայն քննելու է մարդու առողջական վիճակը, այլ նաև վերականգման հնարավորությունները և դրան ուղղված ծառայությունները»,- ասաց Բաթոյանը:
