«Սիթի օֆ Սմայլ» հիմնադրամը հրապարակել է փետրվար ամսվա հաշվետվությունը
«Սիթի օֆ Սմայլ» («Ժպիտների քաղաք») հիմնադրամը 53 երեխաների և երիտասարդների օգնել է անցնել լաբորատոր զննում, ստանալ անհրաժեշտ դեղորայք և այլ բժշկական միջամտություններ փետրվար ամսվա ընթացքում։ Հիմնադրամի ֆեյսբուքի պաշտոնական էջում հրապարակվել է հաշվետվությունը:
«Շնորհակալություն ենք հայտնում բոլոր նրանց, ովքեր մեզ աջակցում են, որ միասին օգնենք մեր երեխաներին լինել ուժեղ, ժպտալ և պայքարել հիվանդության դեմ։ Հավատացած եղեք, որ ցանկացած նվիրատվություն՝ փոքր թե մեծ, կյանք է փոխում»,-նշված է հիմնադրամի տարածած հայտարարության մեջ։
