«Կախարդական փայտիկը վերջնականապես լքել է Փաշինյանին». Շարմազանով

Էդուարդ Շարմազանովը ֆեյսբուքյան իր էջում գրում է. «Կախարդական փայտիկը վերջնականապես լքել է Փաշինյանին:

Երկու օրից լրանում է Փաշինյանի՝ վարչապետ ընտրվելու 10 ամիսը: Փորձենք փաստերով համադրել՝ ինչ է խոստացել և ինչ է իրականացրել այս 10 ամսում:

10 ամիս առաջ իր ելույթներում Նիկոլը խոստանում էր թռիչքային զարգացում, աղքատության կտրուկ նվազում, աշխատատեղերի ստեղծում, արդարադատության իրականացում, արտաքին հպարտ քաղաքականություն, քաղաքական վենդետայի բացառում և այդպես շարունակ:

Այդ ամենին էլ հասնելու էր կախարդական փայտիկով:

10 ամիս անց արձանագրում ենք…

Ոչ միայն թռիչքային զարգացում չկա, այլ տնտեսությունը գահավիժում է:

Մարդկանց աշխատավարձերը ոչ միայն չեն բարձրանում, այլ հազավոր քաղաքացիներ զրկվել են աշխատանքից:

Մեծ-մեծ խոսում ու ներդրումային բում էր խոստանում Փաշինյանը: Ու՞ր են էդ խոստացված ներդրումներդ: Էլի չկա:

Կարմիր գծերի և տեսախցիկների մասին արդեն մոռացել է:

Եվ սա Փաշինյանի չիրականացրած խոստումների շարքի ընդամենը մի փոքր հատվածն է:

Փոխարենը, կտրուկ ավելացել են Փաշինյանի աննպատակ և անարդյունավետ վոյաժներն ու նրա ռեժիմի կողմից բեմադրված անհաջող տեսարանները:

Տեսարաններով ժողովրդին չեն կերակրում: Իսկ խոստացած հացը տալ Փաշինյանն անկարող է:

Փաշինյանից հեռացել է նույնիսկ նրա կախարդական փայտիկը:

Կառավարությունում տիրում է անգործություն, իսկ Ազգային ժողովում դեռ չեն գիտակցում, որ կառավարության կցորդները չեն:

Հ.Գ. Պահանջում եմ ներկայացնել Հայաստանում գործող օտարերկրյա գործակալների ցանկը»:

https://www.facebook.com/permalink.php?story_fbid=395153054619129&id=333386077462494&__xts__[0]=68.ARC986WngfP3aJmnCZV9K1D6I3oQZjCbxqTtKMDXl47uanFYGpsCC5mleDx1AfQO0LAl1SvcODWS4goyA0X5es_exvyJUj_CC7ktT_dDm6bw0Z6fQEhblBmONMLaZ-Eak9ZX9NeCGOhCm0OykzIuSoEcSaCdd-ggTAqlfjOOQ6o_2G5KFpHuUFq3dvNBBGNddnsi1oipCbTIG1Vg0cfnZeW42OaqnvflKQDTm-3MCzXQCt0fillm4ElmhrgCIM60PLQ8t5qLAxPcnjRgzAo-tLDJjH2UN3982ej8AdShlmoJCUI04NOJIxNpej76DGIxNTLgiD55izJIFkKEjTY&__tn__=-R