Մյուլլերը, Հումմելսը և Բոատենգը լքել են բունդեսթիմը՝ Լյովի որոշմամբ
Գերմանիայի հավաքականի գլխավոր մարզիչ Յոահիմ Լյովը հայտարարել է, որ Թոմաս Մյուլլերը, Մաթս Հումմելսը և Ջերոմ Բոատենգն այլևս հանդես չեն գալու ազգային հավաքականի կազմում:
«2019 թվականին Գերմանիայի հավաքականը նոր մեկնարկ է սկսում: Անցյալ տարվա վերջում թիմում սկսվել են փոփոխություններ, և դրանք դեռ չեն ավարտվել: Ջերոմը, Մաթսը և Թոմասը այլևս չեն հրավիրվելու հավաքական: Ինձ համար կարևոր էր որոշումն անձամբ նրանց բացատրել»,- ասել է Լյովը:
2018թ. Աշխարհի առաջնության ժամանակ Գերմանիայի հավաքականը դուրս չեկավ խմբից՝ առաջ թողնելով Շվեդիային, Մեքսիկային և Հարավային Կորեային:
Մյուլլերը, Հումմելսը և Բոատենգը 2014թ. Աշխարհի առաջնության չեմպիոններն են:
Պատրաստեց Անի Գաբուզյանը
