Աֆղանստանում առնվազն 16 մարդ է զոհվել շինընկերության գրասենյակի վրա հարձակման հետևանքով
Աֆղանստանում առնվազն 16 մարդ է զոհվել շինարարական ընկերության գրասենյակի վրա կատարված հարձակման հետեւանքով, եւս ինը հոգի վիրավորվել է: Այդ մասին հայտնել է «Պաժվակ» գործակալությունը:
Մարտի 6-ի առավոտյան մի խումբ զինյալներ հարձակվել են մասնավոր շինարարական ընկերության վրա, որը գտնվում է Աֆղանստանի արեւելքի Նանգարհարի նահանգի օդանավակայանից ոչ հեռու:
Ինչպես հայտարարել է նահանգապետի ներկայացուցիչը, ընկերությունը, որի վրա կատարվել է հարձակումը, շինարարական աշխատանքներ է իրականացնում օդանավակայանում: Միջադեպի վայր են ուղարկվել անվտանգության ուժեր: Բոլոր զոհվածները ընկերության աշխատակիցներ էին, հաղորդել է ՌԻԱ Նովոստին:
