Բռնցքամարտի Հայաստանի ֆեդերացիան հավաստիացնում է, որ չի արգելել մարզիկներին մասնակցել առաջնությանը
Հայաստանի բռնցքամարտի ֆեդերացիան հավաստիացնում է, որ ոչ ոքի չի արգելել մասնակցել երիտասարդական առաջնությանը:
Ֆեդերացիայի տարածած հայտարարության մեջ, մասնավորապես, ասվում է. «ՀՀ բռնցքամարտի ֆեդերացիան բոլոր մարզիկներին հնարավորություն է տվել մասնակցել Հայաստանի երիտասարդական առաջնությանը: Վլ. Ենգիբարյանի անվան մարզադպրոցը, որը սնվում է պետբյուջեից, իր մարզիկներին արգելել է մասնակցել առաջնությանը:
Բարեբախտաբար, մի քանի ծնողներ հասկանալով, որ իրենց երեխայի ապագան ավելի կարեւոր է, քան տվյալ մարզադպրոցի տնօրենի կամայական որոշումները, այսօր եկել են ֆեդերացիա` դիմում գրել, որից հետո ֆեդերացիան տվյալ մարզիկներին թույլատրել է մասնակցել առաջնությանը: Երեւանի Օլիմպիական հերթափոխի քոլեջը հայտ է ներկայացրել եւ մասնակցել նաեւ կշռման արարողությանը , սակայն մրցումներից առաջ իր սաներին հորդորել է, որ չմասնակցեն առաջնությանը: Այժմ տվյալ մարզադպրոցի սաները մասնակցում են մրցումներին այլ հայտով:
Առաջնությանը չի մասնակցում միայն Կոտայքի մարզը, որի մարզադպրոցների մարզիչները սաներին արգելել են մասնակցել: Հուսով ենք կառավարությունը կարձագանքի եւ վերջ կդրվի այս ապօրինի գործողություններին, քանի որ կամայական որոշում կայացնողներն ու անհասկանալի մարդկանց հրահանգներ կատարողները տեղ չունեն պետական ապարա
