«Չեմ կասկածում, որ ՊՍԺ-ն կհաղթի Չեմպիոնների լիգան». Նեյմար
ՊՍԺ-ի հարձակվող Նեյմարը վստահ է, որ իր թիմը կդառնա Չեմպիոնների լիգայի հաղթող՝ գուցե արդեն այս մրցաշրջանում:
«ՊՍԺ-ն միայն ես չեմ: Սա հիանալի թիմ է՝ հրաշալի խաղացողներով և հանճարեղ մարզչով, իսկ մեր երկրպագուները մեր 12-րդ խաղացողն են Փարիզում:
Չեմ կասկածում, որ մենք կդառնանք հաղթողներ (Չեմպիոնների լիգայի), և ես կխաղամ»,- բրազիլացու խոսքերն է մեջբերում Daily Mail-ը:
Տվյալ պահին Նեյմարը վերականգնվում է վնասվածքից, որը ստացել էր հունվարին: Կանխատեսվում է, որ ֆուտբոլիստը դաշտ կվերադառնա ապրիլին:
Պատրաստեց Անի Գաբուզյանը
