Ամերիկյան Donald Cook էսկադրային հրթիռակիրը մտավ Օդեսայի նավահանգիստ
ԱՄՆ-ի ռազմածովային ուժերի Donald Cook էսկադրային հրթիռակիրը ժամանել է Օդեսայի ծովային առեւտրական նավահանգիստ, որտեղ կմնա մինչեւ փետրվարի 27-ը: Փետրվարի 25-ին այս մասին հայտնել է «Դումսկայա» տեղական հրատարակությունը։
«Ամերիկյան USS Donald Cook էսկադրային հրթիռակիրն այսօր առավոaտման մտավ Օդեսայի ծովային առեւտրական նավահանգիստ»,- ասված է հաղորդագրության մեջ: Հրատարակության տվյալներով՝ էսկադրային ականակիրը Թուրքիայի ռազմածովային ուժերի TCG «Fatih» ֆրեգատի հետ մասնակցել է զորավարժությունների եւ պատրաստվում է նման վարժանքներ անցկացնել Ուկրաինայի ռազմածովային ուժերի նավերի հետ:
Հունվարի 21-ին Donald Cook-ը մտել էր Բաթումի նավահանգիստ, որտեղ նավը մասնակցել էր Վրաստանի ներքին գործերի նախարարության սահմանապահ ոստիկանության Առափնյա պահպանության ուժերի համատեղ վարժանքներին, հաղորդել է ՏԱՍՍ-ը:
