«Ես չեմ պատրաստվում խենթանալ՝ սպասելով Ֆրանսիայի հավաքականի հրավերին». Բենզեմա
Մադրիդի «Ռեալի» հարձակվող Քարիմ Բենզեման ասել է, որ չի սպասում Ֆրանսիայի հավաքականի հրավերին:
«Ես չեմ պատրաստվում խենթանալ՝ սպասելով Ֆրանսիայի հավաքականի հրավերին:
Հավաքականը նվաճել է Աշխարհի գավաթը: Կա երիտասարդ ֆուտբոլիստների նոր սերունդ, և նրանք շատ լավն են:
Ես մաղթում եմ հավաքականին միայն լավագույնը»,- ասել է հարձակվողը Téléfoot-ի հետ զրույցում:
Բենզեման հավաքականում անցկացրած 81 խաղերում դարձել է 27 գոլի հեղինակ: Նա չի խաղացել հավաքականում 2015 թվականի օգոստոսից, երբ նրան մեղադրեցին Մատյո Վալբուենային ինտիմ տեսանյութերի միջոցով շանտաժի ենթարկելու մեջ:
Սիրարփի Աղաբաբյան
