Բրազիլիայում ամբարտակի ճեղքման հետևանքով զոհվածների թիվը հասել է 142-ի. Globo
Ամբարտակի ճեղքման հետեւանքով, որն հունվարի 25-ին տեղի է ունեցել Բրազիլիայի հարավ – արեւելքում, զոհվածների թիվը հասել է 142-ի: Փետրվարի 5-ին այս տվյալները հրապարակվել են Globo հեռուստաալիքի կայքում։
Ավելի վաղ հաղորդվել էր արտակարգ պատահարի 134 զոհերի մասին: Զոհվածներից 122-ի ինքնությունն արդեն պարզված է: Ըստ վերջին տվյալների՝ անհետ կորածների ցուցակում կա 194 մարդ:
Ողբերգության վայրում որոնողական աշխատանքները շարունակվում են:
Ամբարտակի ճեղքումը տեղի է ունեցել հունվարի 25-ին: Այն պահում էր մետաղագործական արդյունաբերության թափոններով ջուրը: Կառույցը պատկանում է Բրազիլիայի Vale հանքարդյունահանող ընկերությանը, հաղորդել է ՏԱՍՍ-ը:
