«Ռուսաստանի դիրքորոշումը ՀԱՊԿ գլխավոր քարտուղարի հարցում կազմակերպության ամրապնդումն է»
«Ռուսաստանի դիրքորոշումը ՀԱՊԿ գլխավոր քարտուղարի հարցում կազմակերպության ամրապնդումն է, անդամ երկրների համերաշխությունը, որ այդ հարցը լուծվի այնպես, որ այդ կազմակերպության արդյունավետությունը ոչ միայն չթուլանա, այլև ամրանդվի, այդ թվում՝ նաև որոշ իրավական կարգավորումների միջոցով»,- այսօր ասուլիսում հայտարարեց ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինը՝ պատասխանելով հարցին, թե ինչպե՞ս է լուծվելու ՀԱՊԿ գլխավոր քարտուղարի խնդիրը և ինչպիսի՞ն է ՌԴ դիրքորոշումը:
Ըստ նրա՝ կազմակերպության գլխավոր քարտուղարի հարցը լուծվում է երկու երկրների ղեկավարների միջև. «Կարծում եմ, որ մեր ընդհանուր շահագրգռվածությունը թույլ կտա կայացնել փոխընդունելի որոշում»:
