«Ֆուտբոլում փոփոխություն կլինի սոցցանցերում քվեարկությունից հետո, իսկ մարզիչներին կփոխարինեն ռոբոտները». Արսեն Վենգեր
«Արսենալի» նախկին գլխավոր մարզիչ Արսեն Վենգերը խոսել է այն մասին, թե ինչպիսին կլինի ֆուտբոլն ապագայում:
«Ես արդեն բազմիցս ասել եմ՝ շուտով կլինի նախագահ, ով կառաջարկի համակարգ, ըստ որի՝ ֆուտբոլում փոփոխություն կլինի սոցցանցերում քվեարկությունից հետո: Սոցցանցերում կորոշվի, թե որ ֆուտբոլիստն է դաշտ դուրս գալու:
Դա ընթացքում կդառնա ավելի ու ավելի նորմալ և տեղի կունենա վերջնականապես: Ես չեմ ընդունի դա, ես հին դպրոցի ներկայացուցիչն եմ: Սակայն մինչ այժմ ամեն ինչ այդ ուղղությամբ է շարժվում:
Դուք գիտեք, թե ինչպիսի հզորություն ունեն այսօր սոցիալական ցանցերը: Սակայն, վատն այն է, որ ծայրահեղ տեսակետներ ունի փոքրամասնությունը, այլ ոչ՝ մեծամասնությունը: Սա նման է ժողովրդավարության խնդրին, որտեղ կա փոքրամասնության դիկտատուրա:
Սա ինձ համար չէ: Ես ունեմ այն, ինչ ես կոչում եմ ինտուիցիա: Ես մեծացել եմ ՝ վստահելով նրան, ինչ տեսնում եմ սեփական աչքերով: Շատ հավանական է, որ տարիներ անց մարզիչներին կփոխարինեն ռոբոտները»,- ասել է Վենգերը:
Սիրարփի Աղաբաբյան
