Խորհրդակցություն` Արցախի ոստիկանությունում
Ընթացիկ տարվա 2-րդ կիսամյակում, ԱՀ ոստիկանության ղեկավարության մոտ անցկացվելիք օպերատիվ խորհրդակցության պլանի համաձայն սույն թվականի նոյեմբերի 14-ին ոստիկանության պետի տեղակալ, ոստիկանության գնդապետ Գագիկ Ղահրամանյանը օպերատիվ խորհրդակցություն անցկացրեց ԱՀ ոստիկանության պետական պահպանության վարչության պատասխանատուների հետ:
Խորհրդակցության օրակարգը նվիրված էր ՊՊՎ ծառայողների ծառայողական և կատարողական կարգապահության բարձրացման ուղիներին:
Հիմնական զեկույցով հանդես եկավ ՊՊՎ պետ, ոստիկանության փոխգնդապետ Նորայր Բաբայանը, ով մանրամասնորեն ներկայացրեց օրակարգի վերաբերյալ վերլուծականը:
Ոստիկանության պետի տեղակալը կարևորելով ոստիկանության՝ մասնավորապես ՊՊՎ ծառայողների ընդհանուր կարգապահության բարձրացման հրամայականը, հստակ մատնանշեց դրանց արդյունավետության ուղիները:
