Երևանի ավագանու որոշմամբ 14 երեխա ունեցող Շաբոյանների ընտանիքին տրամադրվելու է անհատույց սենյակ
Երևանի առաջիկա ավագանու նիստում ավագանու որոշմամբ 14 երեխա ունեցող Շաբոյանների ընտանիքին տրամադրվելու է անհատույց սենյակ: Այս մասին իր ֆեյսբուքի էջում գրել է Երևանի ավագանու «Լույս» դաշինքի անդամ Դավիթ Խաժակյանը:
«2017թ․ օգոստոս ամսին ԱԺ պատգամավոր Մանե Թանդիլյանի և Երևանի ավագանու անդամ Անի Սամսոնյանի հետ այցելեցինք Նոր Նորքի հանրակացարաններ և ծանոթացանք Շաբոյանների ընտանիքին, ովքեր 14 երեխանեի հետ միասին վարձով բնակվում էին հանրակացարանային մեկ սենյակում և դժվարությամբ հասցնում իրենց հոգսերը բավարարել: Երկար ժամանակ Շաբոյանները գտնվում էին մեր ուշադրության կենտրոնում։ Այսօր ուրախ եմ հայտնելու, որ առաջիկա ավագանու նիսոտւմ ավագանու որոշմամբ Շաբոյաններին պետք է տրամադրենք ավելի մեծ և հարմարավետ սենյակ, որտեղ Շաբոյանները առնվազն 10 տարի անհատույց կբնակվեն»,- գրել է նա:
