Կնոջը կասկածել է դավաճանության մեջ ու բռնել կոկորդից՝ բռունցքներով հարվածելով դեմքին
Արմավիրի մարզի բնակիչը մեղադրվում է կնոջ նկատմամբ բռնություն գործադրելու մեջ։ 2018թ. օգոստոսի 11-ին` ժամը 15 :30-ի սահմաններում Արմավիրում գտնվող տանը տղամարդը իրեն դավաճանելու կենցաղային հարցի շուրջ վիճաբանել է, ապտակել կնոջը, ապա՝ բռնել նրա կոկորդից և 4-5 անգամ բռունցքներով դիտավորությամբ հարվածել է դեմքին, ձեռքերին, քաշել է մազերից, ոտքով հարվածել է մեջքին։
Նրան մեղադրանք է առաջադրվել ՀՀ քրեական օրենսգրքի 118-րդ հոդվածով: Գործը գտնվում է Արմավիրի ընդհանուր իրավասության դատարանի վարույթում, որը մակագրվել է Վահե Խալաթյանին։
