««Բարսելոնան» չի պատրաստվում վերադարձնել Նեյմարին». ակումբի փոխնախագահ
Նեյմարի՝ ՊՍԺ-ից «Բարսելոնա» վերադարձի հնարավորության մասին տեղեկությունը չի համապատասխանում իրականությանը:
Նախօրեին իսպանական Mundo Deportivo պարբերականը գրել էր այն մասին, որ «Բարսելոնան» ուզում է ձեռք բերել Նեյմարին, որն իբր նույնպես փորձում է վերադառնալ իսպանական ակումբ:
Ինչպես հաղորդել է «կապտանռնագույնների» փոխնախագահ Խորդի Կարդոները, տվյալ տեղեկությունը չի համապատասխանում իրականությանը: «Ոչ ոք «Բարսելոնայի» ղեկավարությունում չի դիտարկում Նեյմարի վերադարձի հնարավորությունը: Հենց այս պահին մենք չենք կարող ոչինչ ասել այդ կապակցությամբ, քանի որ Նեյմարի տրանսֆերի թեման նույնիսկ չի քննարկվել»,- ասել է Կարդոները SER Catalunya ռադիոկայանի ուղիղ եթերում:
Ավելի վաղ հաղորդվել էր, որ ՊՍԺ-ն համաձայն է վաճառել Նեյմարին 220 մլն եվրոյով:
Պատրաստեց Անի Գաբուզյանը
