Թուրքիան շարունակում է զարգացնել անօդաչու թռչող սարքերի պատրաստման սեփական տեխնոլոգիաները
Թուրքիայի տեխնոլոգիայի հարցերով հիմնադրամի պատվիրակության ղեկավար Սելչուք Բայրաքթարը հայտարարել է, որ հարվածային և ոչ հարվածային անօդաչու թռչող սարքերի տեխնոլոգիաների մշակմամբ Թուրքիան առաջնակարգ տեղեր է զբաղեցնում համաշխարհային մակարդակով:
Այժմ Թուրքիան սեփական արտադրության անօդաչու թռչող սարքեր է արտահանում երկու երկիր, առաջիկայում նախատեսվում է ևս երկու երկրի մատակարարել հարվածային անօդաչու թռչող սարքեր։ Բայրաքթարը, սակայն, չի մանրամասնել, թե որոնք են լինելու այդ երկրները։
Նա կանխատեսել է, որ ապագայում Թուրքիայի տրամադրության տակ գտնվող բոլոր ռազմական ինքնաթիռները լինելու են անօդաչու։
