Իրանում ավելի քան 140 մարդ է տուժել ավազամրրիկից
Իրանում ավելի քան 140 մարդ է տուժել երկրի հարավ-արեւելքում մոլեգնող ավազամրրիկի հետեւանքով: Այդ մասին հայտնել է IRNA գործակալությունը՝ վկայակոչելով ճգնաժամային կարգավորման տեղական մարմնի ղեկավար Աբդոռահման Շահնավազիին:
Գործակալության տվյալներով՝ հոկտեմբերի 6-ից Սիստանի եւ Բելուջստանի նահանգի 145 բնակիչներ բուժօգնության են դիմել շնչառության, աչքերի եւ սրտի հետ կապված խնդիրների պատճառով: Տուժածներից 27-ը հոսպիտալացվել են: Շահնավազիի խոսքով՝ քամու արագությունը հասել է ժամում 104 կիլոմետրի: Իշխանությունները նահանգի առանձին շրջաններում հիվանդներին ու տարեցներին կոչ են անում տանը մնալ, հաղորդել է ՌԻԱ Նովոստին:
