Սարի թաղի բնակարանի լոգարանի կախովի առաստաղի տակից օձ է հայտնաբերվել
Սեպտեմբերի 13-ին` ժամը 17:08-ին, «911» ծառայությանն ահազանգ է ստացվել, որ Երևան քաղաքի Սարի թաղի 19-րդ փողոցի տներից մեկում նկատվել է օձ, որին բռնելու և անվտանգ տարածք տեղափոխելու համար անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները լոգարանի կախովի առաստաղի տակից հայտնաբերել են շահմար տեսակի օձ և տեղափոխել անվտանգ տարածք:
