Թուրքիան ավելացրել է ԱՄՆ-ից ներկրվող մի շարք ապրանքների մաքսատուրքերը
Թուրքիայի նախագահ Ռեջեփ Թայիփ Էրդողանի ստորագրած հրամանագրով պաշտոնական Անկարան լրացուցիչ մաքսատուրքեր է սահմանել ԱՄՆ-ից ներկրվող որոշ ապրանքնատեսակների նկատմամբ։
Դրանցից են ալկոհոլային խմիչքները, բրինձը, ծխախոտը, թեթև մարդատար ավտոմեքենաները և խնամքի պարագաները։
Էրդողանի ստորագրած հրամանագիրն արդեն հրապարակվել է թուրքական «Resmi Gazete» պաշտոնական տեղեկատու թերթում:
Վերոհիշյալ ապրանքատեսակների նկատմամբ մաքսատուրքերն ավելացել են 2 անգամ։
Աղբյուրն ընդգծում է, որ նման որոշումը յուրատեսակ պատասխան է ԱՄՆ-ի նախագահ Դոնալդ Թրամփին, ով ավելի վաղ թուրք-ամերիկյան լարված հարաբերությունների պատճառով լրացուցիչ մաքսատուրքեր էր սահմանել Թուրքիայից ներկրվող ալյումինի ու պողպատի նկատմամբ։
