Սինգապուրում գործարկվել է սահմանային հսկողության համակարգն աչքի սքանավորման միջոցով. The Straits Times
Սինգապուրի որոշ սահմանային կետերում սկսել է գործել կատարելագործված կենսաչափական համակարգ: Այս մասին գրել է The Straits Times-ը: Մասնավորապես, Մալայզիայի հետ ցամաքային անցումներում, ինչպես նաեւ նավահանգիստներից մեկում տեղակայվել են սահմանային հսկողության շրջանակներ, որոնցով կարելի է անցնել աչքի ծիածանաթաղանթի սքանավորման միջոցով: Առայժմ դա մատչելի է սոսկ երկրի քաղաքացիների եւ մշտական կարգավիճակով բնակիչների համար:
Ինչպես նշում են փորձագետները, ապագայում նման տեխնոլոգիաները դուրս կմղեն ներկայում օգտագործվող մատնադրոշմների համակարգը: Ademco Security Group ընկերության ղեկավար Թոբի Քոյի խոսքով՝ նման կենսաչափական համակարգի արժեքը մնում է թանկ, որը մի քանի անգամ գերազանցում է ներկայիս համակարգին: Այնուամենայնիվ նա վստահ է, որ դա միայն ժամանակի, հնարավոր է՝ երեք – հինգ տարվա հարց է, հաղորդել է ՏԱՍՍ-ը:
