«Դարմիանը ցանկանում է հեռանալ». Մոուրինիո
«Մանչեսթեր Յունայթեդի» գլխավոր մարզիչ Ժոզե Մոուրինիոն մեկնաբանել է պաշտպան Մատտեո Դարմիանի հնարավոր տեղափոխության մասին լուրերը:
«Մատտեոն ուզում է հեռանալ: Կարծում եմ, եթե համապատասխան առաջարկ լինի, մենք նրան բաց կթողնենք: Գնալու ցանկության մեջ ոչ մի դատապարտելի բան չկա: Բայց մինչ այժմ ստացված առաջարկները մեզ չեն բավարարում:
Աջ պաշտպանի դիրքում մեր գործերը հիմա այնքան էլ լավը չեն: Վալենսիան վնասվածք է ստացել, Դալոտը վերականգնվում է, երկուսն էլ պատրաստ չեն մրցաշրջանի մեկնարկին: Յանգը կարող է խաղալ աջից, բայց այժմ նա արձակուրդում է:
Այնպես որ, կրկնում եմ, Դարմիանը կգնա միայն այն դեպքում, երբ լինի լավ առաջարկ: Եթե նա մնա, կարող է դառնալ շատ կարևոր ֆուտբոլիստ մեր թիմի համար»,- նշել է Մոուրինիոն:
Ավելի վաղ հաղորդվում էր, որ «Ինտերն» ու «Յուվենթուսը» ցանկանում են գնել Դարմիանին:
Սիրարփի Աղաբաբյան
