7 կարևոր նշան, որոնք չի կարելի անուշադրության մատնել
Շաքարն օրգանիզմի հյուսվածքների համար էներգիայի հիմնական աղբյուրներից է: Սակայն, երբ արյան մեջ շաքարի մակարդակն անցնում է թույլատրելի սահմանը, կարող են ի հայտ գալ մի խումբ առողջական խնդիրներ: Արյան մեջ գլյուկոզայի մակարդակն անվանվում է նաև հիպերգլիկեմիա:
Խնդրի հայտնաբերման դեպքում հարկավոր է դիմել մասնագետի օգնությանը՝ խնդրի պատճառը պարզելու և համապատասխան միջոցառումներ ձեռնարկելու համար: Արյան մեջ շաքարի բարձր մակարդակի մասին կարող են վկայել մի շարք նշաններ:
Պոլիդիպսիա՝ չափից շատ հեղուկի օգտագործում: Այս իրավիճակն ուղեկցվում է բերանում չորության մշտական զգացմամբ: Կարևոր է այնքան ջուր օգտագործել, որքան պահանջում է օրգանիզմը, քանի որ վերջինս այդ կերպ փորձում է կարգավորել արյան մեջ շաքարի մակարդակը:
Մաշկի վնասում: Մաշկի վնասումը ևս կարող է արյան մեջ շաքարի մակարդակի բարձրացման հետևանք լինել: Մաշկին կարող են նկատվել շագանակագույն հետքեր, դեմքի կարմրածություն, մաշկը կարող է չորանալ: Բացի այդ՝ եղունգները, ափերը, ոտքերը կարող են դեղին գույն ստանալ: Եթե նկատում եք, որ կապտուկները երկար ժամանակ չեն ապաքինվում, դիմեք մասնագետի օգնությանը:
Տրամադրության անկումներ: Հիպերգլիկեմիան կարող է տրամադրության անկումների պատճառ դառնալ: Կարող են նկատվել գրգռվածություն, դեպրեսիա:
Թուլություն, քնկոտություն: Քանի որ հյուսվածքները չեն կարողանում կլանել շաքարն արյան մեջ, էներգիայի մակարդակը նվազում է: Այդ դեպքում նկատվում են հետևյալ երևույթները.
- թուլություն
- հոգնածության ուժեղ զգացում
- քնկոտություն
- հյուծվածություն:
Այս խնդիրներից ազատվելու համար հարկավոր է սննդակարգ ներառել մեծ քանակով թարմ մրգեր: Դրանք օրգանիզմը կապահովեն վիտամիններով և հանքանյութերով: Բժշկի նշանակմամբ՝ կարող եք նաև հավելումներ օգտագործել:
Վերքերի դանդաղ ապաքինում: Հիպերգլիկեմիան ազդում է նաև արյան մակարդելիության վրա: Արդյունքում՝ վերքերը շատ դանդաղ են ապաքինվում, մաշկին կարող են կապտուկներ առաջանալ:
Տեսողության հետ կապված խնդիրներ: Հիպերգլիկեմիայի արդյունքում տուժում է նաև տեսողությունը: Կարող են նկատվել խամրածություն, մուգ կետերի առկայություն, ցավ աչքերում:
Սեռական առողջության հետ կապված խնդիրներ: Հիպերգլիկեմիայի դեպքում կարող են նկատվել սեռական առողջության հետ կապված խնդիրներ թե կանանց, թե տղամարդկանց շրջանում: Կանանց շրջանում կարող են նկատվել չորություն, սեռական ցանկության նվազում կամ բացակայություն, ցավ սեռական ակտի ընթացքում:
Նյութը հրապարակման պատրաստեց 168.am-ը
