«Ակումբն ԱՊԼ-ից Կուլիբալիի համար առաջարկել է 100 մլն եվրո, բայց նա չի վաճառվում». Աուրելիո դե Լաուրենտիս
«Նապոլիի» նախագահն այլևս չի վաճառի առաջատարներին: Կալիդուս Կուլիբալին հազիվ թե հեռանա ակումբից այս ամռանը. նրան ուղղակի չեն թողնի:
«Ակումբը ԱՊԼ-ից առաջարկեց մեզ 100 մլն եվրո Կուլիբալիի համար: Բայց մենք նույնիսկ չենք քննարկել դա. ֆուտբոլիստը չի վաճառվում: Կուլիբալին գերազանց տղա է, մենք երբեք նրա ահետ պրոբլեմ չենք ունեցել»,- դե Լաուրենտիսին է մեջբերում Football Italia-ն:
Ավելի վաղ հաղորդվել էր 27-ամյա պաշտպանի նկատմամբ «Չելսիի» հետաքրքրության մասին, իսկ ավելի ուշ հավակնորդներին ավելացավ նաև «Մանչեսթեր Յունայթեդը»:
Ամռանը «Նապոլիից» հեռացան գլխավոր մարզիչ Մաուրիցիո Սարին և կիսապաշտպան Ջորջինիոն: Երկուսն էլ այժմ «Չելսիում» են: Transfermarkt-ը նրան գնահատում է 60 մլն եվրո:
Պատրաստեց Անի Գաբուզյանը
