«Լիվերպուլը» մոտ է «Ռոմայի» դարպասապահ Ալիսոնի ստորագրմանը

Հնարավոր է, որ «Կարմիրները» կունենան թոփ-դարպասապահ: «Ռոմայի» բրազիլացի դարպասապահ Ալիսոնը, ամենայն հավանականությամբ, կշարունակի կարիերան «Լիվերպուլում»:

Ակումբների միջև բանակցությունները գտնվում են վերջնական փուլում, և տրանսֆերի արժեքի վերաբերյալ տարաձայնությունները շատ փոքր են: «Լիվերպուլը» դարպասապահի համար առաջարկել է 70 մլն եվրո, «Ռոման» խնդրում է Ալիսոնի համար 75 մլն:

Ինչպես հաղորդում է Sky Sport-ի լրագրող Ջանլուկա դի Մարցիոն, բրազիլացին դեմ չէ տրանսֆերին և արդեն հասցրել է շփվել «կարմիրների» գլխավոր մարզիչ Յուրգեն Կլոպի հետ:

Transfermarkt-ը դարպասապահին գնահատում է 60 մլն եվրո:

Պատրաստեց Անի Գաբուզյանը