«22 տարի նույն ակումբում մնալը գուցե իմ ամենամեծ սխալն է». Արսեն Վենգեր

Լոնդոնի «Արսենալի» նախկին գլխավոր մարզիչ Արսեն Վենգերը նշել է, թե որն է համարում  իր գլխավոր սխալն իր կարիերայի ընթացքում:

«22 տարի նույն ակումբում մնալը գուցե իմ ամենամեծ սխալն է:

Ես չեմ սիրում նստել նույն տեղում,  ես նույնպես սիրում եմ մարտահրավերներ: Ստացվեց այնպես, որ այս ամբողջ ընթացքում ես իմ  սեփական մարտահրավերի  զոհն էի:

Ես ինձ մեղավոր եմ զգում բոլորի առաջ, ովքեր այս ամբողջ ժամանակ տառապել են իմ պատճառով: Իմ աշխատանքի յուրահատկությունը կայանում է նրանում, որ ես անընդհատ կայացնում էի որոշումներ, որոնք ուրախացնում էին մարդկանց մի մասին, և հիասթափեցնում՝ մյուսներին:

25 հոգու հետ աշխատելը նշանակում է, որ ամեն հանգստյան օրերին նրանցից 14-ը չեն խաղալու:

Ես նաև մեղավոր եմ զգում բոլոր այն ֆուտբոլիստների առաջ, ում ես չկարողացա տալ ճիշտ ուղղություն՝ իրենց պոտենցիալը բացահայտելու համար»,- նշել է Վենգերը  RTL-ի հետ զրույցում:

Սիրարփի Աղաբաբյան