Հարևանուհուն ծեծելու մեջ մեղադրվող կինն արդարացվեց
Երևան քաղաքի ընդհանուր իրավասության դատարանը` նախագահությամբ դատավոր Վաչե Մարգարյանի, անպարտ է ճանաչել և արդարացրել է ՀՀ քրեական օրենսգրքի 118-րդ հոդվածով մեղադրվող Հասմիկ Եփրեմյանին:
Ըստ մեղադրանքի՝ Հասմիկ Եփրեմյանը 2015թ. հուլիսի 22-ին ժամը 14:30-ի սահմաններում Երևան քաղաքի Տիմիրյազևի փողոցի 69 հասցեում վիճաբանել է հարևանուհի Ի.Մակարյանի հետ, որի ընթացքում դիտավորությամբ ձեռքերով երկու անգամ հարվածել է վերջինիս գլխին և ազդրին՝ նրա առողջությանը պատճառելով թեթև վնասի հատկանիշներ չպարունակող մարմնական վնասվածք, որից նա զգացել է ֆիզիկական ցավ:
Հասմիկ Եփրեմյանի պաշտպանությունն իրականացրել է փաստաբան Արամ Ղազարյանը:
