«Մենք չենք կրկնի Եվրոյի սխալները, երբ մտածում էինք, որ եզրափակչի ելքն արդեն պարզ է». Պոգբա

Ֆրանսիայի հավաքականի կիսապաշտպան Պոլ Պոգբան իր ակնկալիքների մասին է խոսել Աշխարհի գավաթի եզրափակչից առաջ: Հիշեցնենք, որ ԱԱ-2018-ի եզրափակիչ խաղում հուլիսի 15-ին ֆրանսիացիները կհանդիպեն Խորվաթիայի հավաքականի հետ:

«Ես գիտեմ պարտությունների համը: Դուք նույնպես  գիտեք դա: Ոչ ոք չի ուզում կրկնել այդ ամենը:

Մենք չենք քննարկում աշխարհի գավաթի եզրափակիչը, ինչպես Եվրոյի եզրափակիչը: Մենք կարծում էինք, որ այդ խաղի արդյունքը կանխորոշված էր, և  դա մեր սխալն էր: Այժմ ոչ ոք թույլ չի տա դա: Մենք չենք կրկնի Եվրոյի սխալները, երբ մտածում էինք, որ եզրափակչի ելքն արդեն պարզ է:

Մենք միշտ ունենք այս դիրքորոշումը՝ եզրափակչում մենք չպետք է խաղանք, այլ պետք  է հաղթենք: Պետք է պահպանենք դա մեր գլխում: Մենք ցանկանում ենք Ֆրանսիային կրկին ուրախացնել: Մենք ուզում ենք կրկին տեսնել, թե ինչպես են բոլորը տոնում»,- նշել է Պոգբան:

Սիրարփի Աղաբաբյան