«Բարսելոնան» թույլ չի տվել երկրպագուներին ներկա գտնվել Արթուրոյի ներկայացման արարողությանը
Կատալոնական «Բարսելոնան» այսօր պաշտոնապես ներկայացրել է թիմի նոր կիսապաշտպան Արթուրոյին:
21-ամյա բրազիլացու շնորհանդեսը, որը տեղափոխվել է կատալոնական ակումբ 40 մլն եվրոյի դիմաց, անցկացվել է անվտանգ գոտում՝ փակ դռների ետևում:
Բանն այն է, որ այս պահին «Բարսելոնայի» մարզադաշտում վերանորոգման աշխատանքներ են տեղի ունենում: Ակումբում նշում են, որ երկրպագուների համար վտանգավոր կլիներ մարզադաշտում գտնվելը:
Կատալոնական ակումբի ներկայացուցիչները ներողություն են խնդրել երկրպագուներից:
Սիրարփի Աղաբաբյան
