«Ես չտեսա ԱԱ-ում ավելի լավ հավաքական, քան Իտալիայինը, բացառությամբ Բրազիլիայի». Ռոբերտո Մանչինի
Անսպասելի էր: Իտալիայի հավաքականի գլխավոր մարզիչ Ռոբերտո Մանչինին գտնում է, որ Սկուադրա Աձուրան լավ տեսք կունենար ԱԱ-2018-ում:
«Դատելով այն խաղերից, որոնք դիտել եմ Աշխարհի առաջնության ժամանակ, ես չեմ տեսել ավելի լավ հավաքական, քան իտալականը, բացառությամբ Բրազիլիայի: Ամեն անգամ շփվելով իտալացիների հետ՝ լսել եմ, որ Իտալիան միանգամայն արժանի ձևով հանդես կգար Ռուսաստանում, և ես բացարձակապես համաձայն եմ դրա հետ: Ցավալի է դիտել ԱԱ-ն առանց Իտալիայի հավաքականի»,- Մանչինիի խոսքերն է մեջբերում Football Italia-ն:
Իտալիան բաց թողեց ԱԱ-2018-ը՝ անցումային խաղերում պարտվելով Շվեդիայի հավաքականին:
Պատրաստեց Անի Գաբուզյանը
