Բաքվում դադարեցվել է նաև ջրամատակարարումը
Ադրբեջանում գրանցված լայնամաշտաբ հոսանքազրկման արդյունքում դադարեցվել է նաև մայրաքաղաք Բաքվի ջրամատակարարումը:
Այս մասին հայտնում է ադրբեջանական «Թուրան» լրատվական գործակալությունը:
«Ազերսու» ընկերության պարզաբանմամբ՝ ջրամատակարարումը դադարեցվել է, քանի որ Քուր գետի ջրի մաքրման կայանները հոսանքազրկման պատճառով չեն կարողացել գործել:
Այն վայրերում, որտեղ ջուրը պոմպերի միջոցով ենթաարտեզյան հորերից է քաշվում, նույնպես ջրամատակարարումը դադարեցվել է:
