«Հնարավոր է՝ սա իմ վերջին Աշխարհի առաջնությունն է». Պոլ Պոգբա
Ֆրանսիայի հավաքականի կիսապաշտպան Պոլ Պոգբան մամուլի ասուլիսի ժամանակ ակնարկել է, որ, հնարավոր է՝ անցկացնում է իր կարիերայի վերջին Աշխարհի առաջնությունը:
«Հնարավոր է՝ սա իմ վերջին Աշխարհի առաջնությունն է,- վախեցրեց 25-ամյա ֆրանսիացին, բայց շատ արագ շարունակեց,- Ես իրատես եմ: Մենք չգիտենք՝ կհրավիրե՞ն ինձ ևս մեկ անգամ: Հնարավոր է՝ այլ խաղացողներ ինձանից լավը լինեն:
Հուսով եմ, որ նորից կխաղամ: Ես արդեն հնարավորություն ունեցել եմ հանդես գալու 2 ԱԱ-ներում, իսկ ոմանք երազում են մեկի մասին»,- Պոգբային է մեջբերում Daily Mail-ը:
Պոլն Աշխարհի առաջնություններում անցկացրել է 7 հանդիպում և դարձել է 1 գոլի հեղինակ: Պոլը Եվրո-2016-ի արծաթե մեդալակիրն է:
Պատրաստեց Անի Գաբուզյանը
