Խուլեն Լոպետեգին հեռացվեց Իսպանիայի հավաքականի գլխավոր մարզչի պաշտոնից
Իսպանիայի հավաքականի գլխավոր մարզիչ Խուլեն Լոպետեգին հեռացվեց իր պաշտոնից: Այդ մասին հաղորդել է Իսպանիայի ֆուտբոլի ֆեդերացիայի նախագահ Լուիս Ռուբիալեսը մամուլի ասուլիսի ժամանակ:
«Մենք ստիպված էինք դադարեցնել համագործակցությունը հավաքականի գլխավոր մարզիչ Խուլեն Լոպետեգիի հետ: Նրան հաջողություն ենք մաղթում: Այն ամենը, ինչին կհասնի հավաքականը, կլինի նրա աշխատանքի արդյունքը»,- ասել է Ռուբիալեսը:
Նախօրեին հայտնի դարձավ, որ Լոպետեգին կդառնա «Ռեալի» գլխավոր մարզիչը: Լոպետեգիի պայմանագիրն Իսպանիայի հավաքականի հետ նախատեսված էր մինչև 2020 թվականը:
ԱԱ-2018-ի խմբային փուլում իսպանացիները կխաղան Պորտուգալիայի (հունիսի 15), Իրանի (հունիսի 20) և Մարոկկոյի հետ (հունիսի 25):
Պատրաստեց Անի Գաբուզյանը
