Թրամփի դուստրը ՉԺՀ-ում 13 առևտրական մակնիշ է գրանցել իր բրենդի համար. AP
ԱՄՆ-ի նախագահ Դոնալդ Թրամփի դուստրը՝ Իվանկան, վերջին երեք ամսում Չինաստանում ավելի քան 10 նոր մակնիշ է գրանցել իր բրենդի համար: Մայիսի 28-ին այս մասին հայտնել է Associated Press (AP) գործակալությունը:
Գործակալության տվյալների համաձայն՝ ՉԺՀ-ի իշխանություններն ընթացիկ տարվա մարտից հավանություն են տվել Միացյալ Նահանգների նախագահի դստեր բրենդի 13 առեւտրական մակնիշների, որը կրում է նրա անունը: Եվս ութ առեւտրական մակնիշ գրանցում է անցել նախնական կարգով եւ, ինչպես սպասվում է, վերջնական հավանություն կստանան երեք ամսվա ընթացքում:
Խոսքը վերաբերում է ամենատարբեր արտադրանքի, որը վաճառում է Իվանկա Թրամփի բրենդը՝ օծանելիքից, կոսմետիկական պարագաներից եւ տեքստիլից մինչեւ կահույք, գրքեր եւ սուրճի ու շոկոլադի մի քանի տեսակներ:
Բրենդը նաեւ թողարկում է ոսկերչական զարդերի, կոշիկի եւ աքսեսուարների սեփական հավաքածուներ: Գործակալության տվյալնարով՝ Իվանկա Թրամփի բրենդը Չինաստանում գրանցել է ընդամենը 35 առեւտրական մակնիշ, եւս 25 խնդրագրեր քննարկման փուլում են, հաղորդել է ՏԱՍՍ-ը:
