Սեյրան Սարոյանը՝ Դավիթ Տոնոյանի նշանակման մասին
«Դավիթ Տոնոյանը տիրապետում է բանակին»,- այսօր Եռաբլուրում լրագրողների հետ զրույցում ասաց ՀՀԿ-ական պատգամավոր, գեներալ Սեյրան Սարոյանը՝ խոսելով Դավիթ Տոնոյանին Պաշտպանության նախարարի պաշտոնում նշանակելու մասին:
Նա նկատեց, որ Դ. Տոնոյանը երկար տարիներ եղել է ՊՆ փոխնախարար. «Նա լուրջ դպրոց անցած մարդ է, ես վստահ եմ, որ կլինի շատ լավ նախարար: Ուժեղ նախարար է լինելու, որովհետև իր համար նորություն չէ բանակը: Բանակի մեջ ինքը կա, կադրերին ճանաչում է»:
Հարցին՝ Վիգեն Սարգսյանի գործունեությունից գո՞հ էիք՝ Ս. Սարոյանն այսպես պատասխանեց. «Այո: Ասում էին՝ բանակում թազա մարդ էր, բայց թազա մարդ չէր, Սերժ Սարգսյանի օգնականն էր, ինքն էլ բանակի կադրերի հետ աշխատել էր, ծանոթ էր, ինքն իր գործը գիտեր, անում էր, ափսոս, որ կիսատ մնաց, ինքը 7 տարվա ծրագիր ուներ, կարող էր աշխատել»:
