«Փորձում եմ ընտրել լավագույն տարբերակը». Ինիեստա
Կատալոնական «Բարսելոնայի» կիսապաշտպան Անդրես Ինիեստան խոսել է կարիերայի շարունակության հնարավոր տարբերակների մասին: Ինիեստան ավելի վաղ հայտնել էր, որ հաջորդ տարի այլևս չի լինի կատալոնական ակումբի ֆուտբոլիստ:
«Հնարավոր են բոլոր տարբերակները, սակայն Եվրոպայից դուրս: Ասում էին, որ ես կտեղափոխվեմ Չինաստան, հիմա խոսում են Ճապոնիայի մասին: Վաղն արդեն կարող եք կարդալ Ավստրալիայի մասին:
Դուք կիմանաք, երբ ես խոսեմ դրա մասին: Ես ունեմ դեռ 2 շաբաթ, որպեսզի հաճույք ստանամ: Իսկ երբ մրցաշրջանն ավարտվի, մտքերով կլինեմ Իսպանիայի հավաքականի և իմ ապագայի հետ: Մնում է հաստատել մի քանի մանրամասներ: Փորձում եմ ընտրել լավագույն տարբերակը»,- նշել է Ինիեստան:
Սիրարփի Աղաբաբյան
