Հայաստան այցելած զբոսաշրջիկների թիվը աճել է 16.1%-ով
2018 թվականի հունվար-մարտ ամիսներին Հայաստան են ժամանել 346 458 ուղևորներ, որոնք, ըստ Զբոսաշրջության համաշխարհային կազմակերպության մեթոդաբանության, համարվում են զբոսաշրջիկ։ Այս մասին տեղեկանում ենք ՀՀ Ազգային վիճակագրական ծառայության զեկույցից։
Նախորդ տարվա նույն ժամանակահատվածում Հայաստան այցելած զբոսաշրջիկների թիվը 298 533 էր։ Ներգնա զբոսաշրջությունն, այսպիսով, նախորդ տարվա առաջին եռամսյակի համեմատ աճել է մոտ 48 հազարով կամ 16.1%-ով։
Նույն ժամանակահատվածում (2018 թվականի առաջին եռամսյակում) զբոսաշրջային նպատակներով Հայաստանից արտերկիր մեկնել են 300 832 ուղևորներ՝ նախորդ տարվա նույն ժամանակահատվածի 266 324-ի դիմաց։ Արտագնա զբոսաշրջությունն աճել է 13%-ով։
