Տիբո Կուրտուան հայտարարել է «Չելսիի» ղեկավարությանը, որ չի երկարաձգի պայմանագիրը
Բելգիացին ուզում է մոտ լինել ընտանիքին: Ինչպես հաղորդում է Onda Cero-ն, Տիբո Կուրտուան ուզում է հեռանալ «Չելսիից»:
Ըստ աղբյուրի տեղեկության՝ Տիբոն զգուշացրել է «Չելսիին», որ հաջորդ մրցաշրջանում կխաղա «Սթեմֆորդ Բրիջում», բայց չի երկարաձգի պայմանագիրը:
Նրա պայմանագիրը չվերաստորագրելու ցանկությունը կապված է «Ռեալ» տեղափոխվելու ցանկության հետ: Բելգիացու ընտանիքն ապրում է Մադրիդում, և դա գլխավոր պայմաններից մեկն է, ըստ որի՝ Կուրտուան ուզում է հեռանալ «Չելսիից»: Տիբոն 2017-18թթ. մրցաշրջանում անցկացրել է 33 խաղ: 14 խաղերում նա ոչ մի գնդակ բաց չի թողել:
Պատրաստեց Անի Գաբուզյանը
