Նիկոլ Փաշինյանը՝ «Ելքի» մյուս ուժերի հետ համագործակցության մասին
ԱԺ «Ելք» խմբակցության ղեկավար Նիկոլ Փաշինյանն Ազգային ժողովում լրագրողների հետ զրույցում անդրադարձել է «Ելք» դաշինքի անդամ մյուս քաղաքական ուժերի` «Լուսավոր Հայաստան» և «Հանրապետություն» կուսակցությունների հետ համագործակցությունը շարունակելու մասին հարցին:
Հարցին, թե ի՞նչ ձևաչափով է շարունակվելու համագործակցությունը «Լուսավոր Հայաստան» և «Հանրապետություն» կուսակցությունների հետ, նա պատասխանել է.
«Ես ասել եմ, որ մեր հիմնական խնդիրը լինելու է համերաշխության և համաձայնության մթնոլորտի ստեղծումը: Եվ այս նպատակը մեզ կուղեկցի բոլոր գործողություններում»:
