Կյանքից հեռացել է ականավոր պետական գործիչ Միսակ Մկրտչյանը
Խոր վշտով տեղեկացնում ենք, որ ապրիլի 26-ին կյանքից հեռացել է ականավոր պետական գործիչ, Գերագույն խորհրդի երեք գումարումների և Ազգային ժողովի երկրորդ գումարման պատգամավոր, Գյումրու պատվավոր քաղաքացի Միսակ Լևոնի Մկրտչյանը:
Հոգեհանգիստը տեղի կունենա ապրիլի 28-ին, ժամը 18:00-ին Երևանի Նոր Նորքի 5-րդ զանգվածի Սբ. Սարգիս եկեղեցում: Ապրիլի 29-ին ժամը 13:30-ին Գյումրու Սբ. Գրիգոր Լուսավորիչ եկեղեցում տեղի կունենա հոգեհանգստի արարողություն, որին կհաջորդի հուղարկավորությունը:
Միսակ Մկրտչյանը ծնվել է՝ 1938 թվականի փետրվարի 19-ին, Լենինական քաղաքում:
Աշխատել է՝
1959-1967թթ. Լենինականի թիվ 7 դպրոցում, որպես մաթեմատիկայի ուսուցիչ:
1965-1967թթ. ՀԼԿԵՄ Լենինականի քաղկոմի առաջին քարտուղար:
1967-1975թթ. ՀԼԿԵՄ Կենտկոմի քարտուղար:
1975-1979թթ. Հայաստանի Կոմկուսի Կենտկոմի կազմակերպչական բաժնի տեսուչ:
1979-1988թթ. Հայաստանի Կոմկուսի Ախուրյանի շրջկոմի առաջին քարտուղար:
1988-1989թթ. Հայաստանի Կոմկուսի Լենինականի քաղկոմի առաջին քարտուղար:
1989-1990թթ. Հայաստանի Կոմկուսի Կենտկոմի կազմակերպչական բաժնի վարիչ:
1980-1990թթ. ՀԽՍՀ Գերագույն խորհրդի պատգամավոր:
1989-1991թթ. ԽՍՀՄ Գերագույն խորհրդի ժողովրդական պատգամավոր:
1990-1995թթ. ՀՀ Գերագույն խորհրդի պատգամավոր, տեղական ինքնակառավարման հանձնաժողովի փոխնախագահ:
1997-1998թթ. Ռուսաստանի Դաշնության Հաղորդակցության ճանապարհների նախարարության լիազոր ներկայացուցիչ Հայաստանում:
1999-2003թթ. ՀՀ Ազգային ժողովի պատգամավոր:
2003-2005թթ. ՀՀ Ազգային ժողովի օրենսդրության վերլուծության վարչության փորձագետ:
Պարգևատրվել է՝
Պատվո նշան, Աշխատանքային կարմիր դրոշի, Հոկտեմբերյան հեղափոխության շքանշաններով, Գյումրու պատվավոր քաղաքացի կոչումով:
