«Բոլորը գիտեն» ֆիլմը՝ Պենելոպա Քրուսի և Խավիեր Բարդեմի մասնակցությամբ, կբացի Կաննի կինոփառատոնը
Իրանցի ռեժիսոր Ասգար Ֆարհադի «Բոլորը գիտեն» ֆիլմը, որում գլխավոր դերերը կատարել են Պենելոպա Քրուսը եւ Խավիեր Բարդեմը, իրավունք է ստացել այս տարվա մայիսին բացել Կաննի 71-րդ կինոփառատոնը: Այդ մասին հայտնել են կինոստուգատեսի կազմակերպիչները:
«Օսկար» մրցանակի կրկնակի դափնեկրի ժապավենը կներառվի նաեւ մրցութային ծրագրում: Թրիլլերի տարրերով այս կինոդրամայի գործողությունը, որը նկարահանվել է իսպաներեն լեզվով, ծավալվում է Ֆրանսիայում, Իսպանիայում եւ Իտալիայում: Քրուսը եւ Բարդեմը մարմնավորում են ամուսինների, որոնք երեխաների հետ ապրում են Բուենոս-Այրեսում:
Ընտանիքի ուղեւորությունը Մադրիդ նրանց համար վերածվում է ողբերգական իրադարձությունների: Կաննում 71-րդ կինոփառատոնը կանցկացվի մայիսի 8-ից մինչեւ 19-ը: Ժյուրին կգլխավորի ավստրալացի դերասանուհի Քեյթ Բլանշետը, հաղորդել է ՏԱՍՍ-ը:
